فشة خلق ( 2 )

اصدقائى محبى المداقشة .

اسعد الله اوقاتكم بكل الخير والمحبة , ايها المقهورين والمضطهدين والمغلوب على امركم .

مداقشتنا السابقة تناولت القيادة السياسية , اما  الليلة بتخص الحركات السياسية الفلسطينة وعددهن اللى تجاوز 15 تنظيم .

اظهرت  الانتخابات التشريعية و بينت جماهير كل تنظيم وحجمه , رغم انه بعض التنظيمات بتدعى انه جماهيرها اكثر من جماهير برشلونة وريال مدريد ,لكن الحقيقة غير ذلك .

 ومن هنا بدات ازمتنا  فى كثرة تنظيماتنا , لانه مش معقول يكون عنا 15 تنظيم و15 برنامج , وكل واحد بيدعى انه بيختلف عن الثانى , طيب هو صحيح انه القضية بتطلب هالعدد من التنظيمات والبرامج لحلها ؟!

اى بالمنطق البسيط هناك ثلاث برامج ما الهن رابع كوسيلة لحل الصراع والتحرير  بتمثلن فى , المقاومة المسلحة ,او المفاوضات , او المقاومة السلمية الشعبية .

على ضوء ذلك وبدون زعل ممكن احد اصدقائنا القراء يجاوبنى شو البرامج  الاثنى عشر الاخرى ؟!!!

طيب ازا كان هناك ثلاث تيارات او قوى  , العلمانية و اليسارية , و الاسلامية , طيب ليش هالتنظيمات ما تنطوى تحت تلك التيارات ؟ ! ولا التنظيم اصبح مغنمة ؟

وبناء على ما تقدم خلينا  نسمى الاشياء بمسمياتها ونقول  انه عنا 15 تنظيم ,لانه التنظيمات اصبحت عبارة عن  مصالح شخصية وتشخيص وخطب رنانة وتنظيرومناكفة ومزايدة على بعض  وvip   وامتيازات  ينتفع منها اقلة من قياداتها ,على حساب ظهور عناصرها  والشعب الغلبان .

مع احترامى وتقديرى لكل من ضحى للوطن من خلال التنظيمات  .

والله يديم خيمة الستر على الغلابة , ويرفعها عن السقلة .