اصدقائى محبى المداقشة .
اسعد الله اوقاتكم بكل الخير والمحبة , ايها المضطهدين والمقهورين والمغلوب على امركم .
هو يا جماعة علشان ابو مازن حكى مرة وقال : لو طلعوا اثنين وطالبونى بالرحيل سوف اتنحى , يطلع النا مدير الشركة الاهلية للتامين برام الله هو وموظفيه ويطالبوا ابو مازن بالرحيل علشان يجربوا مراجله
ومصداقيته ؟ وعلشان ايش يا جماعة ؟ !
قال علشان افراد اجهزة الامن طلعوا على سطح بناية الشركة بدون موافقته ,والله انها ثقيلة وصانجة , رغم انهم باعتين له اشعار وذلك من اجل تأمين زيارة الرئيس الفرنسى هولاند , اللى معروف بمواقفه ودعمه لقيام دولة فلسطينية , وبيرش من هاليورو اللى بتحبوا قلوبكوا , والله ما بطلع الك تعمل هيك , خصوصا وانك عايش فى نعيم وبغددة ,
والمصارى بشركتك بتطفح من جنابها وعندك كاشو وجوز ولوز وصنوبروكنافة نابلسية , ومسافر
وقت ما بدك ومعك vip والله ما انا عارف شو ناقصك !
اى احنا يا مدير اللى بغزة رغم المصيبة اللى احنا
فيها وخراب الديار, لا سفر , ولا مطر ,
ولا غاز , ولا كهرب , ولا سولار , ولا اسمنت, وحصار , والعجنة اللى بتخرب علشان مفيش كهرب , والطبخة اللى بتحمض و بترتمى علشان مفيش تثليج , والغسيل اللى بيدب الحمام علشان فش غسالة تشتغل , والاولاد اللى تعمصن عنيهم من القراية على الشمع , ما طلبناش اى مسئوول بالرحيل , مسكرين تمامنا وقابلين بالغلب وصابرين زى صبر ايوب .
تروح انت وتطلب من ابو مازن العقر يالتنحى ؟
تروح انت وتطلب من ابو مازن العقر يالتنحى ؟
والله ما بيطلع الك هيك . ولا كود بتفكر حالك فتك وبدك تقول لابو مازن المثل الشعبى : والله زنقناك يا مرزووووووووووووووق .
والله يديم خيمة الستر على الغلابة , ويرفعها عن السفلة .
ليست هناك تعليقات:
إرسال تعليق