فشة خلق ( 1)

اصدقائى محبى المداقشة .

اسعد الله اوقاتكم بكل الخير والمحبة , ايها الغلابة والمقهورين والمضطهدين والمغلوب على امركم .

رضينا بالهم , والهم ما  رضى فينا ,,, جوع , وفقر , وبطالة , ومرض , وترمال , وسفالة , وسرقة و جريمة , والجار مش مأمن من جاره , وقطع كهرب , وما فيش نت , وتضيق خلق , وقطع ارزاق , وقمع حريات , وحصار , ودمار , وخراب بيوت , وتخوين وتكفير . والله ما ضل حاجة وسخة بالدنيا الا انبلى فيها شعبنا .

 بعد هذا كله بيستحضرنى قول الامام احمد بن حنبل :

اذا نطق الجهلاء جهلا ... واذا سكت العلماء خوفا ... فمن يقول الحق ؟

لذلك قررت فى هذه المداقشة اكون حنبليا رغم شافعيتى واقول :

انه المسئول عن كل اللى بيصير لشعبنا هى قيادتنا السياسية يمينها ويسارها , علشان ما حد يقول الكلام بيخص جهة محددة  ,هاى القيادة اللى الها سنين بتلهط  عسل وبتوكل ملبن ولوز وجوز وكباب وفراخ محشية , وبيعالجوا نسوانهم فى المانيا , وبيعلموا اولادهم فى اوروبا ويا ريت اولادهم  فالحين , وبيشتروا طناجر ضغط , وبيجيبوا قطين وتين , وبطونهم تكرشت , الله لا يوفقهم , اى والله سيارة الواجد منهم بتشبع المخيم اكل فراخ طول العمر , والله كمان بيت الواحد منهم حق 100 بيت من بيوت الغلابة ,والله لو بدى اعد السفالة اللى عندكم كان بدى مجلد, يا عمى ما خليتوا حاجة علشان تحبكوا الناس ,رغم لو بطلع بايدكوا اكثر من هيك تعملوه كان ما قصرتوا , لكن الحمد لله على كل حال .

 والله بيكفى استحوا على دمكوا واعلنوا استقالتكوا , وخلوا الشعب يدبر حالوا من حاله , قبل ما يقول كلمته شعبنا , يمكن الله ينفخ بصوره من جديد .

والله يديم خيمة ستره على الغلابة ... ويرفعها عن السفلة .