حسونة والحرافيش

اصدقائى محبى المداقشة .

اسعد الله اوقاتكم بكل الخير والمحبة , ايها المقهورين والمضطهدين والمغلوب على امركم, يا  من حكم عليكم بالخصم .

تكثر هموم ومعاناة الناس كل يوم وتزيد لدرجة انه العيشة اصبحت لا تطاق , فبدل ان تخفف حكومتنا العتيدة من معاناة الناس المقهورين , وتعمل على حل مشاكلهم , بتقوم وبتزيد من هم الناس وغلبها وبتحط عليهم مصايب كل وحدة ولا اختها , وكان اخرها خصومات من رواتب الموظفين , اللى يا  دوب تكفيهم لقضاء احتياجاتهم , علشان يقدروا يعيشوا ويشتروا بنزين ومواتير وشمع , علشان يغطوا نقص الكهرب , اللى صارت الناس تشتاق اله وتعمل له طبلة وزمبليطة لما ييجى , يعنى مش بيكفى الحكومة خصمت ثمن الكهرب , كمان لحقتنا على العلاوة الاشرافية والمواصلات , اى هو الموظف الغبان لما قعد فى داره مش بخاطره , هو التزام بقرار الحكومة , يعنى الحكومة مجبورة فى راتبه وترقياته وكل ما يتعلق باموره الوظيفية.

الله اكبر على هيك حكومة , لا بترحم ولا بتخلى رحمة الله تنزل !!!  مش بيكفينا الهم والغلب اللى احنا فيه , حال مشتت ومشرذم , الارض بتتهود , والمستوطنات بتزيد , والحصار بيخنقنا , والقتل والجريمة والبطالة والترمال , كله بيزيد وما حد مدور علينا وحاسس فى همومنا .

والله هيك زادت الامور عن حدها, والناس حتنفجر من الضغط اللى بتعيشه كل يوم,

وهنا استذكر فيلم التوت والنبوت , لما المعلم حسونة فرض اتاوة على الحرافيش , وزادت عربدته على عاشور , قاموا الحرافيش وخلصوا عليه وعلى جماعته .

وفى النهاية بقول : اتركوا الحرافيش تعيش .

والله يديم خيمة الستر على الغلابة , ويرفعها عن السفلة .